Қабылдау комиссиясының қызметіне мониторинг жүргізілді
Педагогикалық кеңесте білім беру процесінің ашықтығы және сыбайлас жемқорлық тәуекелдерінің алдын алу мәселелері қаралды
2026–2027 оқу жылына талапкерлерді қабылдау науқаны аясында Талдықорған сервис және технология колледжінің сыбайлас жемқорлыққа қарсы комплаенс-офицері Кеңесбай Елжас Талғатұлы қабылдау комиссиясының талапкерлермен өткізген әңгімелесу рәсіміне мониторинг жүргізді.
Мониторингтің негізгі мақсаты – қабылдау процесінің ашықтығы мен объективтілігін қамтамасыз ету, талапкерлерге тең жағдай жасалуын бақылау, олардың құқықтарының сақталуына және ықтимал сыбайлас жемқорлық тәуекелдерінің алдын алуға назар аудару.
Мониторинг барысында әңгімелесуді ұйымдастыру және өткізу тәртібі, қабылдау комиссиясы мүшелерінің жұмысы, талапкерлерге қойылатын талаптардың біркелкі қолданылуы және рәсімнің ашық жүргізілуі назарға алынды.
Комплаенс-қызмет үшін қабылдау науқаны – ерекше бақылауды қажет ететін маңызды бағыттардың бірі. Себебі талапкердің білім алу мүмкіндігіне әсер ететін кез келген шешім әділдік, теңдік, ашықтық және объективтілік қағидаттарына негізделуі тиіс.
Колледжде қабылдау рәсімдерінің ашықтығын қамтамасыз ету және талапкерлердің құқықтарын қорғау бағытындағы комплаенс-мониторинг жұмыстары жалғасатын болады.
Басты қағидат – әрбір талапкерге тең мүмкіндік және әділ шешім.
