Колледж аумағындағы ғимараттар мен нысандарға мониторинг жүргізілді
Қабылдау комиссиясының қызметіне мониторинг жүргізілді
2026 жылғы 28 сәуірде колледжде студенттер арасында «Таза сессия» акциясы аясында түсіндіру жұмыстары жүргізілді.
Іс-шараның мақсаты – білім беру процесінде академиялық адалдық қағидаттарын насихаттау, сыбайлас жемқорлық тәуекелдерінің алдын алу, сондай-ақ емтихан кезеңінде ашықтық пен әділдікті қамтамасыз ету.
Кездесу барысында студенттерге колледж басшысының «Студенттерден материалдық талаптар қоюға тыйым салу туралы» бұйрығы таныстырылды. Бұйрыққа сәйкес колледждің барлық педагог қызметкерлеріне білім алушылардан қандай да бір материалдық сипаттағы заттарды, соның ішінде ақша қаражатын, сыйлықтарды, гүлдерді, тағам өнімдерін және өзге де заттарды талап етуге немесе жинауға қатаң тыйым салынатыны түсіндірілді.
Сонымен қатар студенттерге сыбайлас жемқорлық фактілері немесе құқық бұзушылық белгілері анықталған жағдайда колледж әкімшілігіне немесе сыбайлас жемқорлыққа қарсы іс-қимыл жөніндегі комплаенс-офицерге жүгіну мүмкіндігі туралы ақпарат берілді.
«Таза сессия» акциясы білім беру ортасында адалдық, әділдік және ашықтық қағидаттарын қалыптастыруға бағытталған маңызды профилактикалық шара болып табылады.
