Білікті ұстаз – сапалы білім негізі

Оқытушыдан жүйелі креативті ойлау, ақпараттық және коммуникативтік мәдениет, бәсекеге қабілеттілік, көшбасшылық қасиеттері, оң имидж қалыптастыру қабілеті, белгісіздік жағдайында тәуелсіз әрекет ету және күйзеліске қарсы дағдыларын меңгеру сияқты кәсіби қабілеттер талап етіледі.

Оқытушының кәсіби дамуы оның іс-әрекетінде маңызды орын алады, өйткені ол оқытушыны оқытудың жаңа, инновациялық технологияларымен таныстырады, кәсіби құзыреттілігін арттыруға ықпал етеді. 16 мамыр мен 3 маусым аралығында Талдықорған қаласының Талдықорған агро-техникалық колледж базасында «ТАЛАП» коммерциялық емес акционерлік қоғамның ұйымдастыруымен колледж педагогтері мен өндірістік оқыту шеберлеріне арналған «Техникалық және кәсіптік, орта білімнен кейінгі білім беру жүйесінің педагогы: еңбек функцияларын жетілдіру» тақырыбында жалпы білім беру пәндерінің оқытушылары  Балбырова А.М. мен Ускембаева А.Т.  біліктілік арттыру курсынан оқытылды. Курс тренері Боранбаева Гүлфайрус Нұрсапақызы кәсіби білімдерін, біліктіліктерін, дағдылары мен құзіреттіліктерін қолдануға кеңейтуге, тереңдетуге және жетілдіруге бағыт-бағдар беруде. Білім, білік және тәжірибелік дағдыларын жетілдіру курс бағдарламасы аясында оқытушылар қала оқу орындарында,кәсіпорындарында тағылымдама өтті. Курс нәтижесінде колледж оқытушылары әріптестерімен алған білімдерімен бөлісті.