Колледжі кітапханасы «Электрондық стеллаж» жүйесін іске қосты

Бүгінде кітапхана қызметінің негізгі бағыттарының бірі – пайдаланушылар үшін кітапханамыздың бай көркем әдебиет қорын ашу, кітап оқуға деген қызығушылықты ояту; классикалық және заманауи, отандық және әлемдік әдебиет туындыларына деген қол жетімділікті кеңейту. Осы мақсатта, Талдықорған сервис және технология колледжі кітапханасы «Электрондық стеллаж» жүйесін іске қосты.

«Электрондық стеллаждан» пайдаланушы QR-кодты мобильді сканер арқылы өзін қызықтырған көркем әдебиетті өзіне жүктей алады.
Талдықорған сервис және технология колледжі кітапханасы қорында 6000–нан астам қазақ,орыс,шетел жазушыларының көркем шығармалары бар. Оның ішінде қазақ тілінде -1064 дана.