Волейболдан өткен қалалық спартакиадада І орынды иеленді

2025 жылдың 4 сәуір күні Талдықорған қаласында техникалық және кәсіптік білім беру ұйымдарының педагогтері арасында волейболдан бақылау-рейтингтік спартакиада өтті. Бұл ауқымды спорттық шараны Талдықорған қаласының дене шынықтыру және спорт бөлімі ұйымдастырды.
* Спартакиаданың мақсаты:
Спартакиаданың негізгі мақсаты – білім беру саласындағы педагогтер арасында салауатты өмір салтын насихаттау, дене шынықтыру мен спортқа деген қызығушылықты арттыру, кәсіби қауымдастық арасында ынтымақтастық пен достық қарым-қатынасты нығайту.

* Аталған жарысқа қаланың түрлі колледждерінен құралған мұғалімдер командалары қатысып, өзара мықтыны анықтады. Жоғары деңгейдегі дайындық, кәсіби шеберлік пен ұйымшыл командалық рухтың нәтижесінде "Талдықорған сервис және технология колледжі" ұжымы жүлделі І орынды жеңіп алды.
* Колледж командасының бұл жетістігі – тек спорттық дайындықтың емес, сондай-ақ педагогикалық ұжым арасындағы бірліктің, өзара қолдаудың және ортақ мақсат жолындағы табанды еңбектің нәтижесі.
* "Талдықорған сервис және технология колледжінің" ұжымы атынан аталған спорттық іс-шараны жоғары деңгейде ұйымдастырған Талдықорған қаласының дене шынықтыру және спорт бөліміне зор алғыс білдіреміз. Осындай шаралар білім беру ұйымдары қызметкерлерінің кәсіби және рухани дамуына, ұжымдық ынтымақтың артуына мол мүмкіндік береді.

#Спартакиада2025 #Волейбол2025 #БілімПедагогикаСпорт #СалауаттыӨмірСалты

@moldir_anvarkhanovna @zhetysu_bilim @talap.edu.kz @godrp.tipo @marlen_kolbaev @dauren_zhunisov

#жұмысшымамандықтаржылы