ЖББ пәндер апталығы | Ашық сабақтар

2022 жылдың 28 қарашасы мен 02 желтоқсаны аралығында Талдықорған сервис және технология колледжінде жалпы білім беретін пәндер апталығы өткізілді.

Оған 1-2 курс студенттері мен колледж оқытушылары қатысты. Ол дәстүрлі түрде колледж фойесіндегі жиыннан басталды. Аталған іс-шараны С21ПМ тобымен бірлесіп ағылшын тілінің оқытушысы А.Т.Ускембаева дайындады және өткізді. Іс-шара белгілі бір оқу және тәрбиелік мақсаттарды көздеп қана қоймай, жалпы идеологиялық міндеттермен біріктірілген іс-шаралардың көп мақсатты бірлігіне бағытталған.

Оқытушы А.Ж.Каримбаева С14П тобына «Галогендер» тақырыбына ашық сабақ өткізді. Сабақтың міндеттері мен мақсаты айқын болды. Оқу материалының мазмұны ғылыми және практикалық бағыттылығымен ерекшеленді. Сабақ базалық талаптарға сай. Негізгі дидактикалық мақсатты жүзеге асыруға қол жеткізілді.

29.11.2022 ж. - Математика пәнінің оқытушысы А.М.Жаканова «Аспазшы математик» тақырыбында бірінші курс - С11П, С12П топтарының студенттері  арасында сыныптан тыс іс-шара өткізді. Іс-шараның мазмұны мен формасы жоспарланған мақсаттар мен қойылған міндеттерге толық сәйкес келеді. Сыныптан тыс іс-шараның материалы толығымен математика сабақтарында оқылатын оқу материалына негізделген.

30.11.2022 жылы С13П тобының қатысуымен оқытушы А.Ж.Андабекова «Завоевательные походы гуннов, как один из факторов перехода от античности к средневековью»  тақырыбында дүниежүзілік тарих пәні  бойынша ашық сабақ өткізді. Мұғалім  сабақтың тақырыбын, мақсатын, білім алушылардың мүмкіндіктерін ескере отырып, әдіс-тәсілдерді, әдістемелік құралдарды жақсы қолдана білді.  Әр түрлі әдістермен педагог студенттердің  ізденімпаздық белсенділігін арттырды. Топ студенттері проблемалық жағдайларға дайын болып, оқытушымен диалог құра білді. Тапсырмалардың әр түрлі болуы білім алушылардың барлығының сабаққа  қатысуын қамтамасыз етті. 

30.11.2022 ж. – Орыс  тілі мен әдебиеті пәнінің оқытушысы Л.С.Бекова «Без языка не будет  мир так дружен.....» тақырыбында орыс тілінен зияткерлік ойын өткізді. Мұғалім таңдаған әдістер сабақтың міндеттеріне, оқу материалының сипаты мен мазмұнына, студенттердің білім деңгейіне, әдеттері мен дағдыларына сәйкес келді. Ойынның әр кезеңінде қатысушылар өздерінің белсенділіктері мен шығармашылық тапқырлықтарын бағалап отырды. Сабақта мейірімділікке толы психологиялық атмосфера  қалыптасты.

Қорытынды: ойын жоғары эмоционалды қарқынмен өтті. Сабаққа қойылған барлық міндеттер жүзеге асырылды.

01.12.2022 ж. – Қазақ тілі пәнінің оқытушысы А.Т.Сағадиева «Сауда мәдениеті және тұтынушы құқығы. Ы.Алтынсарин «Дүние қалай  етсең табылады?» тақырыбында ашық сабақ өткізді. Сабақта тақырыпты игеру бойынша оқу процесі мақсаттан нәтижеге дейін жобаланатыны байқалады және бұл оң маңызға ие. Оқытушы ақпаратпен жұмыс істеудің тиімді әдістерін сенімді және сауатты қолданады; сабақта оқушылардың кезең-кезеңімен дербес оқу, интеллектуалдық-танымдық және рефлексивті іс-әрекеттері сәтті ұйымдастырылды; практикалық қызметте білім мен дағдыларды қолдану үшін жағдайлар жасалды.

02.12.2022 ж. Қазақ тілі мен әдебиеті пәнінің оқытушысы, С11П тобының кураторы С.И.Жаркимбаева «Темекі – денсаулық дұшпаны» тақырыбында сынып сағатын  өткізді. Негізгі мақсаты:  темекі шегудің жағымсыз жақтарын көрсете отырып, білім алушылардың бойында темекіге деген теріс көзқарасты қалыптастыру. Бұл іс-шара студенттердің жас ерекшеліктеріне сәйкес келді, өйткені жасөспірімдер темекі шегудің денсаулыққа тигізетін барлық зиянын әлі толық түсінбейді. Іс-шара дамушы сипатқа ие болды, өйткені сынып сағатының басынан соңына дейін сабақтың мақсатын ұстап тұру, сәтті іс-әрекеттен алынған эмоционалдық жағдайды талдау, өзінің және басқа адамдардың іс-әрекетінің нәтижелерін бағалау, өз әрекетін және өзінің эмоционалдық жай-күйін талдау мүмкіндігі  болды.